I te wā tika mō te Kirihimete: Hare Pota me te Pakohu Kura Huna he haerenga tere e whakakorikori ana i te whakaaro me te whakapakari i te reo – he koha tino pai mō ngā rangatahi reo Māori e rapu ana i tētehi pukapuka tino pai. He mea whakaputaina e Auckland University Press.
Hare Pota me te Pakohu Kura Huna
J.K. Rowling
Kua hoki anō a Hare ki Te Kura Matarau o Hōwata, mō te wāhanga tuarua o ōna haerenga mīharo i te ao matarau.
Ka hāmama kau te waha o Hare i te tauria ōna e te tino māramatanga ki tāna e kite nei. I te tītaha whakawaho a Rāna i te wini o muri i tētahi motukā kārikiōrangi, e tākawe tū ana ki te rangi.
I muri i tētahi raumati pōuri i te taha o ngā weriweri Tūhiri, ka ora a Hare i te taenga mai o Rāna me tana motokā rererangi. Ka hoki anō ia ki Te Kura Matarau o Hōwata mō tōna tau tuarua, engari kei te tatari mai ngā āhuatanga e whakatīwhetahia ai, e wiwini ai hoki ngā tauira: he ahorangi hou, he tangata ihu tū, ko Kiriroi Rakahata; he wairua i tapaina ai ko Matangi Meme, e poke ana i te rūma kaukau wāhine; tae atu ki te aro mātāreka a Tini, a te tuahine o Rāna.
Mai i ngā peka ngangare o te Whiro Whiuwhiu, tae atu ki te papa kuitiki i te ua tātā, e whakanuia ana te pukapuka tuarua o te huinga pukapuka rongonui a J.K. Rowling, kua whakamāoritia ināianei mō tētahi reanga kaipānui hou e Leon Heketū Blake rātou ko Hona Black, ko Donovan Te Ahunui Farnham, ko Helen Parker, ko Paiheretia Aperahama, ko Te Aorangi Murphy-Fell.